Hvað eru veðurguðir að reyna að segja okkur Íslendingum?. . ég held að Ísland sé bara heljarinnar brandari í veðurbransanum. . maður er að fá sér ís í Álfheimum. . sólin skín, grasið þokkalega grænleitt, fólk í stuttbuxum. . maður kíkir inn í svona korter. . fer aftur út. . kominn á sandala. .*boom!* fær snjóbolta beint í augað!!

Síðastl.viku hef ég ekki eytt miklum tíma í svefn. .Óskarinn kom . . .og fór kl.05.15 (og þá var klukkan margt . .), stórskemmtilegt! Við atli horfðum á og veðmál var í gangi, atli tapaði að vanda(varð að koma því að!) “But hey. .who hasn´t. .”
Við pabbi fórum á Slaghörpuleikarann (eða The Pianist) – góð mynd, heldur betur sorgleg.

Gettu Betur. við unnum.
-eftir það þá var haldið til Katrínar,- ölvun? Já, töluverð. . ég bara SKIL EKKI fólk sem getur drukkið Tequila. . . seinna í bæinn. . FLUGhálka! Og Dóra greyið var sú sem fékk að fljúga . .kíkt var (af nauðsyn) á Nellys. .suddalegt.- þræddum Kaffibarinn og litum inn á Grand Rokk-þar kunni mannskapurinn mannganginn og sat við skák. Við fórum. -eftir það stakk Dóra af og Katrín einnig. Við Unnur fundum okkur knúnar til að nota síðasta tækifæri f.próf til þess að djamma. Fórum á Sólon, Hverfisbarsröð, Vegamót, út, Vegamót, Hverfisbarsröð og skautuðum heim..djöfull var KALT!að labba heim! Við erum hetjur!

Á morgun eigum við Ásgerður að halda fyrirlestur um erfðaefni. . til að tryggja skilning á erfðaefnum munum við setja upp leikþátt þar sem við förum með hlutverk DNA keðju. .ætli maður fái Óskarinn fyrir það?

Talandi um Óskar þá komu saumóstelpur hingað í gær og við kúrðum yfir söngkeppni. Óskar þessi bekkjarbróðir fór ,ásamt Degi, með lag fyrir hönd MR – stóðu sig einstaklega vel. Skemmtileg keppni, ég spáði nú FSU strákunum sigri en 2.sætið var ekki slæmt. Sonja úr Iðnskólanum fór líka rosalega vel með frumsamið lag, Drekadalur. . Inn á milli atriða fór Tinna með gamanleik um létt geggjaða konu í spinningtíma. Dramatískt.

Á morgun hefst kosningavikan og hlakkar maður nett til að fá að vita hvaða fólk bauð sig fram í hvað.

Ef e-r er allsgáður og/eða vakandi núna, ætti sá og hinn sami að kíkja út um gluggann . .og horfa til himins, himins!! með höfuðið. .nei. .á norðurljósin!!!

Við Tinna, Olla, Brynja og Solla skelltum okkur á ekki svo góða mynd. . Maid in Manhattan. .mæli ekki með henni, en engu að síður alltaf gaman að fara í bíó!! Eftir myndina bíluðum við upp/niður/U-beygjur/hliðar/bakk og ótal hringi á sama hringtorginu í Kópavogi, múgæsingur var talsverður í bílnum og allir duttu út úr karakter við “flaut” Brynju á e-ja misheppnaða gaura.- lentum STUTT og asnalega í e.k. left-over-af-partýi. Sögðum strax skilið við það og bíluðum í aðra átt . .

Ég verð að nota tækifærið fyrst að það er nú e-r þarna úti sem les þetta. . að mæla enn með annarri mynd sem ég var að horfa á í svona billjónasta skiptið. .
Reality Bites með (aftur?) Winonu Ryder, Ethan Hawk, Ben Stiller, Janeane Garofalo, Swoosie Kurtz, o.fl.
Mögnuð tónlist í myndinni(Ofspilaður diskur!)með Crowded House, U2, Lenny Kravitz, Lisa Loeb & Nine Stories, Squeeze o.fl. og dansatriðið á bensínstöðinni. .
“Hækkaðu í þessu!! Þú sérð ekki eftir því. . .
-MmmmMY SHARONA!! (m. The Knack) ” er óborganlegt!

Það styttist óðfluga í sumar bara. . og líka Óskarsverðlaunin . . .en til mikillar ánægju fékk ég loks hringingu í gærkvöldi frá framkvæmdastjóra Fosshótel sem gulltryggði vinnu fyrir sumarið. . þjónninn er bara alls ekki svo slæmt starf.

Í dag fengum við hefti um valgreinar fyrir næsta ár . . mikið um að velja. . og talsvert af nýjum greinum s.s. matvælafræði, lögfræði, enska o.fl. Ég er persónulega, eftir miklar spekúlerasjónir, næstum búin að festa mig við ensku, bókmenntir og listasögu ( hver grein 3 stundir á viku), skemmtilegt að komast í e-ð annað (vonandi).

The Amazing Race í kvöld!!!! Maður missir sko EKKI af því!!! Derek´n Drew eru að gera GÓÐA hluti og sé ég ekki fram á neitt annað en SIGUR! – en ég þoli ekki þessa Flo sem er e-ð að dúlla sér með Drew, aumingja Zach!!!! - ætli það sjóði upp úr í kvöld? annars virðist hann vera nokkuð svalur náungi. . .

Söndag - næsta vika verður aðallega hryllileg með nokkrum andartökum ólýsanlegra kvala. . stærðfr.próf, eðlisfr.próf, enskupróf, líffr.próf og svo hin og þessi próf í skóla lífsins. . get varla beðið.

Kosningavaka MS-inga var haldin að þessu sinni í húsnæði Tannlæknafélags Íslands. Eftir partý með hverfisfólki hjá Gumma. . rúlluðum við á RISAjeppanum hennar Tinnu á vit ævintýranna. .kosningavakan var snilld!Lögðum undir okkur dansgólfið, flestir á rassgatinu og drullufyndnir – tölur voru kynntar með jöfnu millibili og Jón Pési var alltaf í góðum málum. Þegar klukkan var orðin eitthvað og löggan kíkti inn í kaffi og kleinu þá fannst okkur nóg komið og skelltum okkur niður í bæ. – ekki svo í frásögu færandi bæjarferð. .en við Tinna, Olla, Brynja og Gummi vorum fyrir rest plötuð inn á O´Brians (sem heitir það víst ekki lengur). . suddastaður en snilldin innpökkuð engu að síður! (nei)

Road trip! á laugard.- þynnka í fyrirrúmi- við Atli settum stefnuna á Þingvöll. . Atli keyrði. . á meðan ég þeytti skífum í samræmi við umhverfið og ástand hverju sinni. . Þegar á staðinn var komið var mottóið ,,The only way is forward” sett og haldið af stað! Það var ekkert púður í því að fylgja “ellimannagöngustígunum”svo við Atli reyndum sem mest að gera okkur erfitt fyrir. . Klifum niður klettaveggi, næstum dottin. . og þessi “Tom Cruise-leið” okkar að Öxará var svo sannarlega enginn hvolpur. . þegar við loks komum á áfangastað vorum við með Öxará vel upp fyrir hné. .frábær ferð.

Um kvöldið var afmæli haldið hjá Ollu og var hún afmælisbarnið. Rosalega góður mexíkanskur matur . .og sápan og slúðrið lág vel í loftinu.

-seinna þetta sama kvöld fór ég í partý til Óla. .-jesus ég hef sjaldan séð annað eins. . maður þykist þekkja þetta fólk. .en þetta sama fólk var bara flest alveg FARIÐ í hausnum af drykkju þarna, sérstalega þá Guðrún!
70% spíri teygaður úr tilraunaglasi, strákur sást ekki meir eftir að hafa verið rígmanaður í 15 staup af Tequila, fólk var undir borði. . ofan á borði . . Potta-bollan var viðbjóðsleg og fékk ég sjálf að vita það eftir tvöfalt tap í e.k. ólsen-ólsen eða e-ð, hver maður á felgunni! ég bara man ekki meir- fólk fór bara jah. .á kostum. .

Bara fjöllin í gær. . það voru GEÐVEIKT margir í Skálafelli í gær! Alveg . .ég og Birna, Birna og ég og við tvær, strákur á skíðum og strákur á bretti, strákur á bretti, strákur á skíðum og þeir tveir. . og þá vorum við alveg strax orðin 12. . og svo var e-r gelgja, önnur gelgja og kærastinn hennar, kærastinn, gelgjan og hin gelgjan og þau þrjú. . o.s.frv. svo við vorum alveg geðveikt mörg!!!!
-magnað færi inn á milli en vá! EKKERT skyggni!!! Stólalyftan lá eins og á leið upp til himnaríkis. .HVÍTT! Allt í kring! Sá ekki neitt!. . við gátum skíðað fram á blábrún hengju án þess að fatta það. .maður var allt í einu bara einn í heiminum
En þetta var massa gaman og alltaf gaman að lenda í e-jum hremmingum og kakóið klikkaði ekki.

-Í kvöld er kosningakvöld MS-inga, Jón Pétur að bjóða sig fram í Ármann. . ég held nú bara að hann taki það. .en það verður gaman að fylgjast með tölum þegar þær berast í hús

Það hefur svo sem lítið komið upp á daginn. .

Við pabbi og atli fórum á Lilya 4-EVER um daginn, sænsk mynd á rússnesku. . og eins og atli sagði. .mjög áhrifamikil mynd, ég var alveg eftir mig og er enn. . ég hefði allt eins farið að gráta þá og þegar

Háskólakynning á sunnud.- ég er litlu nær hvað mig langar að gera en þetta var áhugavert..

Skólinn gengur. . en það er einmitt bara ágætlega skemmtilegt í skólanum þessa dagana. Kennarar veikir í vikunni. . ½ bekkurinn fór á Ara í Ögri og lífgaði það upp á hluti.
Undanúrslit Sólbjarts 18 mars , 5.Y vs. 5.M- það verður spennandi

Ég og Unnur ákváðum loks í gærkvöldi að skella okkur á Herranótt, leikritið Hundshjarta og var það bara þónokkuð skemmtilegt! Fyndin atriði þar sem gert var grín að áhugamannaleikritum. Propsin fengu stóran plús og já bara mjög svo skemmtileg sýning.

Ég vil leiðrétta ákveðinn misskilning sem sumir, ég segi nú ekki tapsárir. . en. . jú tapsárir birtu á heimasíðu sinni . . liðið mitt , NB. því sama og alltaf!var eins og svo oft áður í fyrsta sæti í kapphlaupinu í gær! Klassa spilamennska!. .

Það stefnir í afmæli hjá Ollu á laugardaginn og líka bekkjarpartý hjá Óla, snilld.

Svona er það þá á jafnsléttu. .
-Ég er að deyja hérna mig langar svo á skíði aftur í dag en verð að haldast heima fyrir með hálsbólgu og hita. .
Maður verður að sleikja upp hvern einasta dag sem opið er í fjöllunum á þessu landi!

Það er búið að vera svo gaman síðustu þrjá daga, allur dagurinn (e.skola) á skíðum. . það er fátt annað skemtilegra en það!
- miðvikud. var farið í Bláfjöll fram á myrkrað kvöld( ljósastaurar upp í brekku) - úff fallegur lyftuvörður með sætasta bros! Varð ástfangin . .

- ÓNÝT! Í skólanum. .

- fimmtud. Skálafell með Birnu, Dröfn og Dóru,- æðislegt færi, magnað skyggni og besta veður! Eftir lokun stólalyftu þutum við niður borgarbrekkuna á innan við mín-skíðað til kl 22.00(svo fallegt þarna á kvöldin), Dóra datt e-ð og missti einu bíllyklana að bílnum, KOLniða myrkur!- litlir lyklar. .stórt leitarsvæði. . við bjuggumst við að gista á staðnum. .en eftir dúk og disk fundum við lyklafjanda og rusluðumst heim. .

-ÓNÝT! Í skólanum. .

- föstud. Skálafell með Þórunni Helgu og Ollu, rosagaman, fórum furðulegustu leiðir. . þræddum öll gilin og flugum gjörsamlega yfir stökkpallana- fest á filmu, þórunn í spikat- og heitt kakóið (NB.í PÓSTthermoinu!) rann niður kaldar æðar.- keyrðumst heim til Þórunnar og flatbökuðumst þar, ég strax komin með hita og óreiðu- seinna flæktumst við Olla á árshátíð bændasamtaka á Hótel Sögu,stutt stopp – en bændasamtökin eða “rollurnar” eins og þau voru kölluð þegar þau voru m.ráðstefnu á Bifröst, eru sko djammarar í lagi!!

Birna var að hringja. .og það er enginn heima. . ég er alvarlega að hugsa um að stinga af og fara á skíði þrátt fyrir að mamma bannaði það

Ætlaði ég að snappa???!!!!- tölvudruslan HENTI ÚT! efnafr.skýrslunni minni! Ekki einu sinni heldur ÞRISVAR!!! Í gær. .

Jæja, eins og lesendur þessa “bloggs” vita þá fór ég á The Ring laugard.kvöld. . jesus! Við Tinna íhuguðum alvarlega brottför í hléi! Við vorum engan veginn að höndla þetta! Sátum saman á grúfu ½ myndina af hræðslu, báðar með alvarlega OFöndun í lok myndarinnar! . . .og það er líka e-ð við mig, ég þori aldrei að vera með fæturna á gólfinu í bíói. .er e-ð svo hrædd um að einhver kippi í þær undir sætinu. .ég hef oftar en einu sinni oftar en tvisvar verið sögð skrítin út af þessu. .
En hefði ég farið beint heim að sofa eftir myndina. .hefði ég ekkert farið beint heim að sofa...ég hefði líklegast náð mér í vasaljós og farið undir rúm. .því að ef ég væri undir rúminu myndi ég mest líklega vita af því ef e-r annar væri þar einnig. .
-svo við Olla fórum í ,,partý” til Gumma þar sem megnið af hverfispakkinu var saman komið. . .
Þar var fólk í glasi, sumir dýpra settir en aðrir . .og var Maggi með e.k. “talkshow” þar sem hver og einn var tekinn fyrir!. .rifjaður upp HVER EINASTI skandall sem sá og hinn sami stóð fyrir. . og af NÓGU að taka víst. . hver svaf hjá hvaða gangaverði o.s.frv. þetta er svo steikt lið!

Var að horfa á mynd sem ég hef séð OF oft en hef alltaf jafngaman að. .
Girl Interrupted með Winonu Ryder o.fl.- skemmtilegt geðveikrahæli. .
“Verum tré. . .allir vera tré. .
-Hvernig tré ert þú sitjandi svona á gólfinu?!
Ég er fjandans runni!”

Laugardagur. Edrú enn sem komið er. . enda hefur maður nú verið ansi slappur í djamminu að undanförnu. .

Leikritið í gær var bara hið ágætasta. .NÁKVÆMLEGA eins og myndin bara. .nema mér fannst flest söngatriðin koma alveg út úr kú og eiginlega óviðeigandi sum. . en þetta var skemmtilegt leikrit og flott upp sett.

Eftir leikritið var nóttin ennþá ung og við Brynja, Olla og Tobba fórum heim til Brynju og kúrðum yfir Með allt á hreinu, snilldarmynd! Ég þarf ekkert að taka það fram. .
En Brynju til mikils ama steinsofnuðum við Tobba og Olla í flækju og regluleysi í rúminu hennar Brynju. .Tilvitnun: ”mjög skemmtilegir gestir”. . en okkur til varnar þá stendur Gestaþáttur Hávamála með okkur. . “. .Ókynnis þess vár þig engi maður að þú gangir snemma að sofa. .” (er að fara í próf á mánud.)en seinna rusluðum við okkur heim um nótt miðja allar með koddafar dauðans!. .alveg ónýtar!

En mikið rosalega er maður útitekinn eftir daginn í dag. .
Við Olla og Brynja ákváðum að skella okkur á línuskauta meðfram Ægissíðunni syngjandi hástöfum Grýlulög á leiðinni . .Hmm. .já. ., þetta gekk nokkurn veginn slysalaust fyrir sig. . .- enduðum svo í Kópavogslauginni þar sem einhverjir 5 ára krakkar létu okkur ekki í friði.

Í kvöld er það THE RING. . . shit.