Það er allt að gerast. .
Nú eru MS-ingar komnir í árshátíðarfrí, og er sjálf árshátíðin á morgun. . vonandi skemmtiði ykkur sem best !
Sjálf þarf ég að mæta í íslenskutíma eftir nokkrar klst. . .æði

Var að koma af Kofa Tómasar frænda með þeim Ólínu og Brynju Dís. . alveg hreint frábært. . fyrr í kvöld vorum við staddar í Austurbæjarbíói á Söngvakeppni MS. . mættar þeim Baldri og Arinbirni til stuðnings. .tóku þeir lagið “Letter to my penis” og slepptum við okkur sum (kannski ekki alveg..en..) þegar kynnar kynntu: “ ...sem tilheyra hinu víðfræga Laugalækjargengi” nostalgía . . .allavega. . þá var þetta STÓRskemmtileg keppni og voru atriðin ófá fáránleg. . og ekki ófá heldur. .alls 22 atr.- M.a. tók ein stelpan mjög vel Shakira lag, önnur “ironic” og enn önnur “Papa don´t preach”. . flottur strákur tók “Shiver” með Coldplay og var það flott! og e-r tók “Your song” sem er ekki BARA fallegt song!! Og var maður allt í einu aftur andlega staddur á Rammstein tónleika þegar kauði tók “Sonne”. .Tæknimenn tóku “Tribute”-nákvæmlega eins og lagið er! Snilld! - vinningslagið var “Ást við fyrstu sýn”(Páll Óskar) með honum Flosa sem maður ætti nú að kannast við ef maður hefur nokkurn tímann áður mætt á söngkeppni. . og var flutningurinn glæsilegur! Annars voru einnig í sjálfri hljómsveitinni þeir Jón Pétur og Gunni litli og stóðu þeir sig eins og hetjur! Stolt af þessu liði.

Á föstud. förum við stelpur svo aftur í Austurbæjarbíó til að sjá leikritið “Hrein mey á leiðinni”. .leggst vel í mannskapinn. .

Jahérna. . við Atli fórum á myndina CHICAGO og þvílík snilld!! Ég hef ekki séð jafnskemmtilega né glæsilegri mynd í LANGAN tíma! Ég mæli virkilega með þessari mynd! Renée fór á kostum! Richard Gere! Sjarmör dauðans kom skemmtilega á óvart og Catherine Zeta-Jones! Hún er OF svöl! Maður gat hlegið/dáðst að henni alla myndina! Snillingur! Ótrúlega flott mynd. .

Í gær sat ég hálfan daginn á frystikistu með Brynju í eldhúsinu á Jarlinum og sagði henni m.a. frá Röddinni svo hún geti þóst hafa lesið hana í áfanga sem gengur undir skemmtilega nafninu yndislestur. .

Um kvöldið var eldaður mjög svo góður pastaréttur heima hjá Tinnu og sóuðum við Tinna, Tobba og Solla öllu kvöldinu í kjaftagang og læti. . mjög gamanJ
Svo fór Brynja með mér heim og við tókum okkur BOX stöðu, en sofnuðum báðar. Og misstum af þessum 49 sek.

Er ekki e-ð of gangster-legt eða e-ð . .að kalla vinkonur sínar eða þegar maður er að tala um vinkonur sínar. .tala þá um “stelpurnar sínar”. . T.d. “Ég og stelpurnar mínar tókum einn laugara í gær. .” eða e-ð álíka. . við vorum mikið að pæla í þessu í gær. . Fyrrum herbergisfélaginn minn á Bifröst, hún Sylvía, sem Tumi hlýtur að muna eftir. . féll kylliflatur. .;) allavega. . hún talaði alltaf eftirminnilega um “stelpurnar sínar”. . en á hinn bóginn var hún nú hörkutól dauðans! Þvílíkur snillingur. . fór heim aðeins yfir helgi. .kom aftur “heim”(að Bifröst) með glóðarauga, rispuð eftir e-jar neglur o.fl. eftir að hafa ráðist á “einhverja hóru sem var með stæla”. . ég sakna hennar.

Enn ein vikan búin( hjá mér eru föstudagar vikulok. . ), hún leið ansi hratt og hún kemur mest örugglega aldrei aftur. .tár?nei. .hlátur? oneei. .eftirsjá? nei. . það gerðist eiginlega lítt merkilegt í þessari viku minni. .

Í gær sótti ég um vinnu hjá Fosshótel. Ég fékk 6 blaðsíðna umsóknareyðublað. . ég ÞOLI EKKI spurningar á borð við. .”Gefðu okkur a.m.k. 5 ástæður af hverju við ættum að ráða þig.” og hvað þá “Hvernig getur þú lagt þitt af mörkum til að gera Fosshótelin að vingjarnlegustu hótelkeðjuna á Íslandi?” . . .

Um kvöldið var svo farið á leikritið áðurnefnda. .flott leikrit, flott sviðsmynd, vel leikið og svona en já þetta var farið að verða heldur langdregið. . var líka alveg frá kl.20.00 til 23.30. .
Farið verður svo aftur í leikhús á sunnudaginn, Herranótt – Hundshjarta, það verður gaman að sjá það.

-Í dag á Dóra bekkjarsystir afmæli. .til hamingju! Kökur og Coke í E-stofu í allan dag.

Eins og ég sagði þá er liðið hans Atla að missa það í The Amazing. . næstsíðasta sæti, það segir sitt!

Ég keypti CD disk í dag, hundgamlan. . Nas – it was written, alveg frá 1996! Klassalög, og eitt sérstaklega í uppáhaldi hjá mér, “the message”, eitt flottasta lag sinnar tegundar!

Jæja jæja. .það er skrambi mikið að gera þessa dagana. .mikið af prófum o.fl.
-Það er bara fyndið. . ef það er e-ð sem á svona helst ekki að gera eða er bara alveg bannað. ..þá eru bara enn meiri líkur á því að maður geri einmitt það. – T.d. verð ég að játa að ég var ein af mörgum sem struntuðu í bíómótmælin og fór einmitt í bíó á sunnud.-Two weeks notice- meiri svona spólumynd. .en það var samt gaman að henni.

-Alltaf gaman að láta segja manni hvað og hvað maður gerði ekki á árshátíðinni. . við Birna erum hættar að drekka HÉR MEÐ. Hætt þessu rugli. .

-Á fimmtud. verður farið á leikritið Death of a Salesman eða Sölumaður deyr, eflaust taumlaus skemmtun.

-X-bekkurinn, hinum megin við ganginn, var að skora á bekkinn okkar í Paint-ball við e-rt tækifæri. .skilin verður eftir sviðin jörð. .

-The Amazing Race í kvöld! AAAAAAAAAAA.........

-Húrra! Kláraði The Remains of the day í gær. . og horfði á myndina. . vá! KILLER mynd! Ég þurfti að þjást í skömmtum. .

Whenever people talk to me about the weather,
I always feel certain that they mean something else
-Oscar Wilde-

Bank bank? Halló! Hvar hefur maður verið?!

-Árshátíð bara á fimmtudaginn! Ég ætlaði nú fyrst ekki að fara. .en lét svo til leiðast þar sem allur bekkurinn ætlaði að skella sér á ballið og stemningin var gífurleg.
Morgunpartýið var hjá Konna, allir komu með e-ð. .500 skinkuhorn, 200 súkkulaðikökur og 100 rúnstykki. .nei, en svona í alvöru. . .það hefði verið hægt að fæða 60 manns! ,rosa gott sem sagt. Morgunpartýið var bara frábært, spjallað og svo fór allur bekkurinn í Party&co. -deilur komu upp- um hvort til sé NIVEA-háreyðingakrem- þær voru leystar með því að hringja í Nivea umboðið. .svar umboðs var á reiki. . Sumir ætluðu að byrja snemma og áður en farið var á hátíðardagskrána var blandaður sjeik með ávöxtum. . . og hálfur vodkapeli var vitaskuld crucial í uppskriftinni.- sjeikinn slapp naumlega framhjá bodysearchinu hennar Kristínar íslenskukennara í smárabíói.

Parýið/maturinn var hjá Dóru í Hfj. Frábær matur og skemmtilegt partý. Sumir höfðu bersýnilega drukkið e-ð meira en sjeik á ókristilegum tíma, en bekkurinn kom engu að síður skemmtilega á óvart og var það orð götunnar að ef öll bekkjarpartýin væru eins og þetta . .þá verða mörg partýin á næstunni.
- Þó nokkrum bjórum og rauðvíni seinna . .var staflað í bíla þeirra sem ökuhæfir þóttu. .og held ég að fólk hafi af og á verið að drepast í bílnum hennar Ásu . . Ballið var snilld! Fólk dansaði eins og brjálætt væri. .

Árshátíðarfríið er í móðu. .þó að ég sé tæknilega ennþá í því. . veit ég ekki hvað ég er buin að vera að gera. .á föstud. varð ég að hleypa inn í húsið nokkrar óstýrlátar stelpur vegna þess að þær nauðguðu dyrabjöllunni. .nuff said. .en í gær var kósíkvöld hjá Ollu eftir erfiðan dag á kaffihúsi með Brynju, pöntuðum pizzu-og sökum mistaka eigum við líka inni pizzu hjá pizzafyrirtækinu. .og svo var skellt í Betty köku og horft á Eurovision. .margir ekki á eitt sáttir með úrslit . . en ok.

-En bíddu. .er fólk almennt heitt fyrir Hörpu Melsteð?! Hver er sagan?

Eins og Bjarney benti á þá er þetta uppreisn hjá mér. . gegn sjálfri mér. . .fram að þessu virðist vera sem ég hef bloggað nákvæmlega annan hvern dag. . but the girl´s gone wild!

-Harald! Harald!. .hversu oft er þetta öskrað í Nonna og Manna? jaðrar við pirrandi oft! Ég er einmitt djúpt sokkin ofan í þættina um þá bræður. . Þessir þættir eru æðislegir!En ein gellan, mamma þeirra (Sigrid Jonsdottir), er soldið í því að fara í taugarnar á mér, hún er ALLTAF í fýlu eða grenjandi og hallar sér upp að öllu uppaðhallanlegu! Það er ekki veggur á Möðruvöllum sem hún hefur ekki hallað sér upp að! og ef hann væri til þá. . . nei! hann er ekki til!.

-Á föstud. hittist sjöan - (Solla) 2 + Harpa = Muffins. Sjá nánar Bjarney.

Atli pakkaði niður vitinu og keypti Bryan Adams- Best of me. En kauði minnir mig svo ótrúlega á The Three Musketeers, enda söng hann ásamt Rod Stewart og Sting titillag myndarinnar-All for Love. – Þessi mynd er mjög dýrmæt! -og það fer ekki lengra en ég var alltaf soldið skotin í D´Artagnan. En þegar maður heyrir þetta lag þá er allt svo yndislegt! Textinn fer alveg með mann. .eins og Kristín sagði alveg út úr kú. . “maður verður alveg OH! þetta er svo fallegt!” . . . lífið er yndislegt!

-Ég er búin að fatta það að ég er með rosa phobiu f. fuglum! Ég er dauðhrædd við fugla! Ef e-r fugl mundi fljúga inn í herbergi til mín. . ég mundi eipa og deyja held ég. Sérstaklega eftir að ég sá myndina The Birds þá. . .

-Könnun: Á einhver annar á landinu fyrir utan ég sjálf og Kristín Erla diskinn Savage Garden?

Hvaða hommatal er þetta hérna. .vil ekki hafa þetta. .
-Biðjið Daða afsökunar tafarlaust!

En talandi um pólitík þá var ég einmitt í saumó í gær. Ekki má minnast á heimsmálin, því þá er voðinn vís þarna! Enda ekki alsaklausar stelpur þarna á ferð. Byrjaði rólega. . en fór heim með brunasár eftir Sollu. -en skandall, skandall! Tinna mætti síðust á svæðið.- ég á ekki til orð. Æðisleg matseld hjá Ollu, frábærar pizzur og þarna eftirrétturinn.. Saumó var sér líkur, Tobba dramatísk, e-r að reyna að pikka fight, róum okkur niður. . –Umræðuefnin hafa hér verið ritskoðuð og mun ég ekkert minnast á þau. Alltaf jafngaman, elska þessar stelpur.

-Annars var ég eila líka skömmuð í gær, ég er víst aldrei heima hjá mér og vil ekki gera neitt með foreldrunum, ekki fara í e-n sumarbústað og hvaðeina!

Skólinn alltaf á sínum stað. –49 dagar eftir. Líffræðipróf á morgun. Árshátíð í næstu viku. Gaman af því.
-Ég efast MJÖG um að við rennum okkur e-ð á skíði á næstunni. .hvað þá á morgun.
Heimir bekkjarbróðir átti afmæli í gær, aftur til hamingju með það. Kristín íslenskukennari sagði allan 5.Y bekkinn efni í kór! Þó að maður heyri aldrei í neinum öðrum en Bjössa þegar sungið er þarna. Snilld! Þvílíkt efni í tenor!- en Heimir verður með partý í Breiðholtinu á laugard.- massastuð!!

Aloha allihopa!
- Klassískur þriðjudagur. . . Enn ein stærðfræðislátrunin og The Amazing Race. –fastir liðir.

Ég veit að Atli bróðir elskar þessa setningu en. . . “The gloves are OFF, the Race is ON!!” þvílíkur þáttur. . farið var til Marokkó þar sem ég hef persónulega labbað nokkur skref og færðist æsingur í sófann heima þegar fólk tók vitlaust bensín. . . ég held að það sé bara tímaspursmál þar til liðið hans brósa klúðrar sínum málum. . .mér væri hins vegar alveg sama þótt “Teri n´Ian” detti út, þau eru meira en pirrandi!
Síðasti þáttur Dawson´s í gær. .kom endirinn einhverjum á óvart? Engum.

-Hver man ekki eftir goðunum Per Gessle og Marie Fredriksson??!! “Karl Gústaf Svíakonungur hefur sæmt sænska dúettinn Roxette heiðursorðu fyrir framlag þeirra til sænskrar listsköpunar á innlendri og erlendri grundu.” - vel að því komin! Uppáhalds hljómsveitin mín frá 6 ára aldri og uppúr – það er ekki hægt að finna lag með þeim sem maður kann ekki hvert orð sem og stunu í. Snilld.

-Gamla góða- every day- kaffihúsið með Brynju í dag, Olla kíkti við.

Við erum að planleggja skíðaferð á föstudaginn- plís vera opið!!! Enn einu sinni leitar maður svara í Bókinni með svörin. . .hún segir: “Samstarf er svarið!”- hvað á ég að gera? Stjórna veðrinu?!! Hmm…gæti verið gaman.

-Á morgun er saumó hjá Ollu, -á að verða vegleg “Heimabökuð pizza- veisla”. .- það verður stuð, að vanda.

Aðfaradagur mánudags til mæðu hvað?. . .þetta er frábært! Sólin sem og snjórinn á sínum stað. . ég bið ekki um fleira.

Dagurinn í gær byrjaði á laugardagsmorgni. En hins vegar um þrjúleytið var kl. orðin 14.50. Þá fórum við Brynja á Kaffi Vín og fórum að læra, slúðra og spila. Tókst mér að klára ½ ritgerðina mína um Röddina og tapa hræðilega/vinna glæsilega í hinum og þessum spilum stútfull af “henti-reglum”, samdar af þeim sem samdi spilið hverju sinni.-Vorum við á kaffihúsinu í 4 og ½ tíma!!! Og er ég nú með kaffiEITRUN!
Allt þetta kaffi hafði e-r ofvirknisáhrif á mig og kom ég dansandi heim að Atla mátandi húsgögn fyrir komandi Hatta-partý seinna um kvöldið. . .ég ákvað að segja sem minnst.

-Hattapartýið kom og fór og hafði fólk lagt mismikla vinnu í höfuðfat. Skilst mér að veitt höfðu verið verðlaunin “Mest samkynhneigðasti náunginn á svæðinu” og tóku væntanlega leðurhommarnir vel í það. .voru þeir þeim að segja Ófáir á svæðinu. Þakka ég einnig þeim kærlega fyrir,sem sýndu þar kærkomna hvatningu til frekari ritunnar á ástarsögunni.

-Í morgun vaknaði ég við þrítugasta hanagal og skreið út í búð að kaupa hvítkál. Grunaði mig að ég hafði e-s leynda hæfileika í eldhúsinu. .sem reyndar brugðust síðast. . kartöflumús sem bragðaðist eins og gúmmí!!!-förum ekki nánar út í þá sálma.
Bjó til “´Grænmetis´ala´krem-de-la-krem´la Drífu´súpu”. . .og leyfist mér að segja að hún var ekki á verri endanum- eins og hinn daginn.

-Horfur dagsins í dag eru Röddin og The Remains. .

Það er ekki laust við að maður sé kominn með hita. .einmitt þegar það er kominn föstudagur, en hei, ég er vog. .

-Í gær fór nú allt í háaloft. Horft var á strákana okkar, með Brynju og strákunum okkar, heima hjá Gumma. Það var öskrað, það var bitið. It was ugly.- þeim gengur vonandi betur næst.

-Það er e-ð voðalega mikið að gera í skólanum þessa dagana, bókmenntaritgerðir hægri vinstri, próf o.fl. En veit e-r hver Anna Klein er? Það var “spurning dagsins” í 5.Y. . e-ð með kleinur að gera kannski?
-Þvílík snilld er að grafa upp gamlar dagbækur! Fyndið hvað allir hafa breyst. . .
_________________________________________________
,,Businessmaðurinn lét hana hafa lopasokka og muldraði e-ð ekki hlustanavert. . hún svaraði, en ákvað að vera svöl og lét eins og henni væri nett sama hvort hún væri að tala við hann eða vegginn. Hún kom sér út fyrir vel hirtri útgönguleið hússins eftir vandræðaleg orðaskipti.
Rugluð, ringluð og þunn skeiðaði hún niður Vitastiginn eins og ekkert hefði ískorist. Á leiðinni að bílastæðinu, þar sem hún hélt að hún hafði lagt ruslahrúgubílnum sínum, ónáðaði hana einhver útlendingur.
-Pardon my French, but. . .Nos trae la cuenta, por favor?
-Was?, sagði hún.
-Es gas se está saliendo!
Spænski hálfviti, hugsaði hún, best að losna við hann eins og skot.
-I am the mafia here in Iceland!!! Don´t mess with me!!! Leave me alone!, öskraði hún . . henni datt ekkert annað í hug.”

Þá er ræðukeppni 5.Y og 6.Y búin. . umræðuefnið var: Á að þurrka upp Tjörnina? Og vorum við auðvitað á móti. .þetta var mjög skemmtileg keppni og voru rökin mjög svo augljós. . .

”Í fyrsta lagi er ekki til neitt SVO stórt handklæði til þess að þurrka upp heila tjörn!!! og jafnvel þótt þessir fjórmenningar hérna myndu finna slíkt handklæði. . .HVAR ætti þá að hengja það upp til þerris???- Sveinbjörn”. . .
“They can take our lives but they can never take our Pond!!”- Konráð

-allavega you had to be there. .- mjög fyndin keppni og var Konráð Jónsson ræðumaður dagsins og unnum við. Veeeii!
-Í gær var líka ræðukeppni, 5.M-3.G, umræðuefni: Líkamshár, stóðu stelpurnar sig mjög vel og unnu!! Ræðumaður gærdagsins var enginn önnur en hún Margrét! Til hamingju!

Ég var sakleysi mínu í strætó áðan. .og á mig réðst e-r náungi í SVR-úlpu og bað mig um að fylla út “FARÞEGA-KÖNNUN!”. .annað hvort var það að þykjast ekki kunna stakt orð í íslensku. . en DAMN! það var kona við hlið mér sem hafði nú þegar notað þá afsökun. . . fake-a skyndiblindu eða hlaupa á strætóhurðina sem þá myndi vonandi opnast og hendast mjög “Die Hard-lega” út á gangstéttina, en þá myndi ég fíla mig OF mikið eins og Keanu Reeves svo. . . - ég gerði ekkert slíkt. . ég tók fjandans könnunina og svaraði spurningum um loftræstingu og hitastig í vagninum, aksturslagi og viðmót bílstjóra. .- hleypið mér út núna!
____________________________________________
,,-Sjitt! Hann er að vakna! Fokk!, hugsaði hún.
Þau litu hvort þegjandi á annað. .hann, verandi mikill áhrifamaður í businsslífinu. . .hún, vitandi það. . þau þögðu.
-Ehh. .best að ég fari að koma mér. .sagði hún, og tók hastlega saman fötin sín sem voru á víð og dreif um herbergið.
Hann ætlaði að fara að segja eitthvað þegar hún greip snögglega fram í. . .
-Má ég fá lánaða sokka? það er janúar úti. . .”

Mjólkurfernurnar eru farnar að sýna “1 FEB”, og þið vitið jafnvel og ég hvað það þýðir. . það er ekki langt í 1 febrúar. .ekki það að það sé e-ð að gerast spes á þessum degi, hvað ég veit, en tíminn líður ansi hratt.

-Hvað á ég að gera eftir MR? Þessa dagana er ég mikið að velta mér uppúr þessu. Kannski soldið snemma. .en kannski er lestin í alvörunni að fara. .ég held að það sé mál til komið að leggja á borðið e-r plön.
-Það hefur verið langþráður draumur að fara aftur á æskuslóðir eftir menntaskóla og þykjast vera háskólanemi í Lundi. .vá!það held ég að væri gaman! Í sumar átti ég líka gott spjall við gamla sænska konu sem var gestur á hótelinu og keyrir leigubíl(sem heyrir reyndar ekki sögunni til). Hún er búsett í Lundi og sagði það vera “snilld” að sækja háskóla þangað. Hún gaf mér upp nafn sitt og sagði mér að fletta því upp ÞEGAR ég kæmi! knúsaði mig bless og fór með restinni af gamla genginu að skoða Borgarfjörðinn í gegnum rútuglugga. En hvað er maður að fara að læra!!!? Ég skipti oft um skoðun en hef að undanförnu hallast mjög að líffræðinni . .ég veit. .GOTT Drífa! Farðu á eðlisfr.braut! en ég veit það ekki. .
-Við röbbuðum lítillega um plön í saumó, og eins og gatan liggur núna látum við okkur dreyma um. . Tobba til London, fótboltastelpurnar Solla og Olla til Bandaríkjanna, Tinna til Danmerkur, ég til Svíþjóðar og Brynja rokkar feitast á Íslandi. Það verður gaman að sjá hvað gerist eftir ca. 1 og ½ ár.- jæja, nóg af þessu bulli.

-Við Birna fórum á 8mile í gær, njahh…..!

Í kvöld er það kaffihús og heimadæmi, jíha.

Það er naumast hvað maður er e-ð inni í handboltanum þessa dagana . .
-Í gærkvöld fórum við Olla og Brynja á handboltaleik í meistara kvenna í Framheimili, HVÍLÍKUR leikur! Áður en við mættum á staðinn vissum við Brynja ekki einu sinni hvaða lið áttu að mætast, bara að við værum að fara að horfa á “Frænka hennar Ollu vs. Kærustuna hans Baldurs”. . reyndust þetta vera liðin Fram og ÍR/Fylkir(eða öfugt). . .og héldum við AUÐVITAÐ með Fylki! Úrslit voru 21-24! minnir mig, og stóð Vala (fræ.ollu) sig einstaklega vel í hlutverki Bjarka Sigurðssonar. . .ég veit ekkert um handbolta lengur.

-Að leikslokum fundum við okkur allt í einu í tvítugsafmæli á Sólon og var það Ýr, vink.Tobbu, sem átti afmælið. Til hamingju með það enn og aftur! Þegar líða tók á kvöldið voru MH-ingar búnir að hertaka efri hæðina á Sólon, og fórum við Brynja niður og kjöftuðum yfir bjórglasi. Seinna, en nokkuð snemma þó, skutlaði Þórunn Helga okkur heim og var þetta orðið ágætt.

-Lumar e-r á ritgerð eða e-ju úr “Remains of the day”? Þessi bók er eiginlega að öllu leyti snakk og bull! En ágætis lesning engu að síður, því maður getur bara hugsað um daginn og veginn, fólkið og fjöllin. . þegar maður er að lesa þessa bók.
-Guð hjálpi fjölskylduna, ég er að fara að elda í kvöld.

Jæja, bara skólavikan búin. .æðislegt! Afrek dagsins í skólanum eru þau að láta Birnu sessunaut fjarlægja blóð úr hendinni á mér þannig að hun varð hvít, og skila því svo aftur . . .tilraunastarfsemi í gangi sko. . .þetta var mjög áhugavert!

-Saumó í fyrradag. Þar kjaftaði hver tuskan . . og varð vegleg “Tortillas-veilsa”. Alltaf jafngaman í saumó en held ég að hver utanaðkomandi fengi slag ef sá og hinn sami mundi líta við á slíka samkomu.

-Í gær var “söngstríð” í MR og var það haldið á NASA(og kom bara mjög vel út þar), margir stigu á svið og tóku misvel lagið, en LANGflestir þó vel, og er það vel. . .. Sigurvegarar kvöldsins voru þeir Óskar bekkjarbróðir (mjög stolt af honum) og Dagur 4.Y með lagið “Straighten up and fly right”- virkilega flott! Eftir keppnina var haldið á Kaffibrennsluna til að fá smá frið frá fimmburunum – don´t ask. . .en fyrst að ég tek svona óljóst til orða er best að segja ykkur að Magga reyndi að sannfæra tvo uppáþrengjandi gaura að við værum allar með fimmburum.- gekk ekki. Hurfu þeir þó óskiljanlega þegar Magga sagðist vera ´74 módel.

Vegna fjölda áskorana hef ég tekið þá ákvörðun að birta annað brot úr ástarsögunni. . .

,,Hún rifjaði snöggt upp atburði gærkvöldsins, sem á annað borð voru eilítið þokukenndir . .
-Guð minn alm..! Hvaða náungi er þetta! Djöfull var ég full.
Hún reis eins hljóðlátlega upp úr rúminu, sem þarf að taka fram að var í slæmu ásigkomulagi, og hún gat. Að vekja hrjótandi náungann við hlið hennar, vissi hún, að væri eintóm ávísun á vandræðalegt uml.
-Jiii…,hugsaði hún með sér, hvað ætli Nathan segi???!!”

Var að koma úr stærðfr.prófi. . þvílík SLÁTRUN! Var alveg að læra í gær sko. .en svo voru allt í einu Golden Globe verðlaunin mun áhugaverðri en diffurafleiðing. .svo. .það er ekki að spyrja að framhaldinu! Ég hef ennþá jafngaman að þessum kvikmyndaverðlaunaafhendingum og fyrri daginn . .
--Skemmtilegt var að sjá Sharon Stone fara vægast sagt ekki á kostum og var hún bersýnilega Á PERUNNI! Frekar druslulegur kjóll líka. Og var ræðan hennar “Samönthu” úr Sex and the City mjög skemmtileg. .”You wouldn´t believe how many men I had to sleep with to get this award!!!”
Gaman að sjá líka hvað Nicole Kidman er gjörsamlega að blómstra!! síðan hún hætti með Tom Cruise (ísl. Tómas skemmtisigling) og Lara Flynn Boyle hélt að hún væri að kynna á ballettsýningu 8ára stúlkna.
-Við Atli vorum líka að pæla, konur fá eila aldrei Heiðursverðlaunin!. .en þá fórum við aftur að pæla. . það eru ekki svo margar konur sem eru komnar á eldri árin sem eru enn e-ð að leika. . Okkur kom eila bara engin í hug nema kannski Meryl Streep. Diane Keaton? Hmm. . .pæling . .segja sumir.- aðrir ekki.

-Lítið brot úr ástarsögunni sem ég er að skrifa. . “Það var sól úti, sýndist henni, þegar hún rak nefið upp fyrir illa máluðu gluggakistuna. Allt var kyrrt, hún hugsaði með sér : “Hvar í andskotanum er ég?, hvaða handleggur er þetta? ” “

-Rétt í þessu var ég að koma af mögnuðum tónleikum með Strengjasveit úr Listaháskólanum í Reykjavík og Tónlistarskólanum í Reykjavík. Þar voru tekin lögin góðu og kannaðist maður við fiðlu og aðra. . . en tilgangur ferðarinnar var engu að síður að berja goðið augum, hana Þorbjörgu Daphne Hall og lék hún snilli sína á selló, virkilega flott!

-Í gærkvöldi þurfti maður nú aldeilis að verja Kleifarveginn, með valdi, slökkva elda, hlífa börnunum o.s.frv.. .braust lýðurinn. . .nei, bara að grínast. .þetta var voða skemmtilegt að fá allt þetta fólk en mjög leiðinlegt að þurfa svo að henda því seinna öfugu út í kuldann . .Átti þetta að vera takmarkuð kokteilsamkunda, einar til tvær stelpur og blandari. .en þegar líða tók á kvöldið fór að hitna í kolunum og mörg kunn andlit kíktu inn. Var þetta mjög góðmennt en aðeins of fjölmennt miðað við hnattstöðu gamla settsins( sem hefur enn ekki jafnað sig e. Föstud.langa) Engu að síður virðist fólk hafa skemmt sér og kom blandarinn að góðum notum. Kokteilar út um allt! nýjar og nýjar tilraunir sem heppnuðust mjög vel. . og vorum við Álfdís orðnar ansi lagnar við gerð “ala´Banana”- drykkjar sem fór vel í fólk . .en jafnaðist þó ekkert á við ”Lurka-íspinna”-kokteilinn hennar Unnar. “Jarðaberja/sprite/passoa/vodka”-kokteillinn var líka alveg einstaklega góður, þökk sé Unni og voru bílstjórar næstum búnir að fleygja lyklinum og sleppa sér í drykkjunni. –bara mjög skemmtileg samkunda, og þakka ég enn og aftur þeim sem réttu út hjálparhönd í dyravörðslu og tiltekt.
-Furðulega stutt bæjarferð.

-Í kvöld er það svo bíó með Birnu og örugglega Dóru. Ég þarf að fara að læra. . .

-Þetta er bara hætt að vera fyndið með Ása blinda þýskukennara. . .hann er einn mesti pervert sem ég hef augum litið! Það virðist vera sem hann taki okkur Birnu fyrir í öllum tímum. .segir kannski ekkert beint dónalegt heldur svona laumu-perralegt og flissar svo í sífellu, MJÖG perralega, og horfir á okkur tvær og BLIKKAR!!! Við sitjum líka FREMST! Og ef maður er ekki að horfa á hann finnur maður fyrir því að hann er að horfa. Fyrir stuttu var hann að tala um e-n “vin sinn” sem þóttist vera lesbísk kona á einkamál.is ( sem hann stundar víst grimmt), en lenti svo rækilega í því þegar hin konan vildi hitta hana (hann) (“frekar digur maður svona.. hehheheh..*perraglott* ”) Já, varst það kannski þú??
Maður veit aldrei við hverju er að búast. . .annars ágætur kennari.

-Allt gengur annars sinn vanagang. . helgin stefnir bara í e-ð rugl held ég. .

-Oh.. svo svekkjandi, við förum ekki til Ítalíu á skíði í ár Ætli Bláfjöllin verða ekki að duga fyrst að snjórinn hefur nú loks látið sjá sig . .Hmm.. annars sýnist mér við Solla vera þær einu eftir sem stunda það enn að fara á skíði..það eru gjörsamlega ALLIR komnir á snjóbretti!!! Ekki það að ég hafi neitt á móti kældum brettastrákum! Í rauninni er ekkert svalari . .

Ok. .bloggið fór eiginlega allt fjandans til í dag. . Tæknin er e-ð að stríða okkur. .Var mér sagt að hrauna yfir Björn Swift en ætla ég ekki að gera það, hann reyndi að hjálpa og var það vel. .búið er að draga nokkurn veginn úr skaða og skemmdum svo ég vil biðja alla að hafa sig rólega . . takk.
-Vei! annars er The Amazing Race í kvöld, elska umræddan þátt! Spennandi að sjá hvort að tvíburarnir Drew og Derek detta út núna. . þeir gætu hvorki verið sætari né heimskari ef dæma má þá út frá síðasta þætti.

Það fer að líða að mánudegi. .frábært!
-Helgin er búin að vera soldið slök á kantinum. Föstudagurinn er í móðu, við atli vorum e-ð að umturna herberginu mínu. .og svo fór ég að skúra, skrúbba, bóna. .rífa af öllum skóna?
Á laugard. átti Margrét afmæli!! 19 ára! Til hamingju ;) Partý í Breiðholtinu, gangster´s paradise, voða fjör.

-Af heimilinu er lítið að frétta. . kviknaði í brauðristinni.

-Í kvöld vorum við Brynja að passa lítinn gutta, Atla Frey, -hann er sko töffari í lagi, er í 5.bekk Laugarnesskóla með hanakamb og hlustar á Rottweiler. Vorum að “hjálpa” honum að læra heima og vá! þessi 5. Bekkjarstærðfræði er ekkert grín! Bægsluðumst við þrjú með eitt blaðsnifsi af aukadæmum í hálftíma!. .lögðumst svo öll útaf eftir erfiðið og dottuðum yfir spólu.- helgin hin rólegasta.
-En um næstu helgi er pæling til umræðu hjá allavega okkur Katrínu og Unni að djamma geðveikt.

Bleesuð! Vá ég hef verið e-ð á ferð og flugi út úr heiminum síðastliðna daga. . . veit ekki hvað er í gangi. . .?!?
-T.d búin að sökkva mér ofan í alls kyns tónlist sem ég hlusta minnst á dags daglega. . M.a.Nordman- snilld! E-r sekkjapípukennd tónlist samhliða blokkflautu og svo þessi sænska ráma sexy rödd sem er í textanum í djúpum pælingum. .trúarbarátta, yfirnáttúrulegar pælingar o.fl. Hann Py fær pottþétt stjörnu hjá mér, ekki verri sko..en eins og ég segi ekki e-ð sem maður hlustar á . . svo Michael Jackson!?!og bara e-ð rugl!

-Æfingaaksturinn gengur brilliant, þræddi hálfan Kópavoginn í gær og enn sem komið er hefur mamma ekki þurft að stökkva á handbremsuna, sem að öðru leyti er HANDónýt! .Stýrið er líka smá erfitt viðureignar eftir að Atla tókst að klessa smá á. . En úff ég verð að drífa mig til augnlæknis. .

-Annars eru um 68 skóladagar eftir. .og það eru 68 dagar of mikið. .en við Birna reynum að stytta dagana með föndri, slúðri og alls kyns bulli!
-Í kvöld er það svo aftur kaffihúsið með allavega Brynju. .annað heimili okkar, Kaffi Vín, litla “holan okkar í veggnum”. .þangað koma fáir aðrir en pönkarar, skrítið, lítið og stórfurðulegt fólk. Og við. Ég er hrædd um að ég verði að hefna Kanans síðan síðast, afgerandi tap okkar Tobbu var lítt sniðugt. Þótt Brynja missti alveg feisið í lokin.